अभिनेत्री परिणीती चोप्रा आणि आपचे खासदार राघव चढ्ढा यांचा विवाहसोहळा २४ सप्टेंबर रोजी उदयपूर येथे पार पडला. परिणीती हिने.त्याबाबत स्वतः इन्स्टाग्रामवर पोस्ट करत लग्नातील फोटो शेअर केले आहेत. फोटोमध्ये परिणीती व राघव दोघेही खूपच सुंदर दिसत आहेत. दोघांच्या लग्नातील फोटोंची चाहते आतुरतेने वाट पाहत होते. अखेर दोघांनी सोशल मीडियावर फोटो शेअर केले आहेत.
थाटामाटात आणि भव्यदिव्य पद्धतीने या दोघांचा लग्नसोहळा पार पडला असून लग्नाच्या फोटोंवर फॅन्सनी लाईक्स आणि कमेंट्सचा वर्षाव केला आहे.
सध्या बॉलिवूड सेलिब्रिटींमध्ये लग्नासाठी ‘पेस्टल’ रंगांचा थीम ट्रेंडमध्ये आहे. त्यामुळे परिणीतीच्या लग्नातही हाच ट्रेंड पहायला मिळाला. परिणीतीने मोती रंगाचा भरजरी लेहंगा परिधान केला होता . तर राघवनेही त्याच रंगसंगतीचा शेरवानी घातला होता.
लग्नाचे फोटो पोस्ट करत परिणीतीने कॅप्शनमध्ये लिहिले आहे , ‘नाश्त्याच्या टेबलवरील पहिल्या गप्पांपासूनच आम्हाला माहीत होते की आम्ही एकमेकांसाठीच आहोत. या दिवसाची प्रतीक्षा आम्ही खूप काळापासून केली. अखेर आम्ही मिस्टर आणि मिसेस झालो आहोत. आम्ही एकमेकांशिवाय राहू शकलो नसतो. इथपासून आमच्या आयुष्याच्या नव्या प्रवासाची सुरुवात झाली.’
