Bigg Boss 17 : सध्या ‘बिग बॉस 17’ हा शो चांगलाच चर्चेत आहे. यंदाच्या पर्वात सहभागी झालेले सर्व स्पर्धक अप्रतिम अशी खेळी खेळताना दिसत आहेत. विशेष म्हणजे आत्ताच्या पर्वातील काही स्पर्धकांना चाहत्यांसोबतच बॉलिवूडच्या काही कलाकारांनी सपोर्ट केला आहे. काही दिवसांपूर्वीच अभिनेता रितेश देशमुखने बिग बॉसचा स्पर्धक अभिषेकला सपोर्ट केला होता. तर आता अभिनेत्री कंगना रणौतने स्पर्धक अंकिता लोखंडेला सपोर्ट केला आहे. त्यामुळे कंगना सध्या चांगलीच चर्चेत आली आहे.

बिग बॉसच्या या आठवड्यात घरातील स्पर्धकांच्या कुटुंबीयांना बोलवले आहे. पण बिग बॉसच्या घरात प्रवेश करण्यापूर्वी स्पर्धकांच्या कुटुंबीयांनी प्रसार माध्यमांशी संवाद साधला. यामध्ये विकी जैनच्या आईने (अंकिता लोखंडेची सासू) अंकितावर राग व्यक्त केला आहे. विकीच्या आईने मीडियाशी बोलताना अंकितावर असलेला राग व्यक्त केला. त्यामुळे अंकिता लोखंडे आणि तिची सासू सोशल मीडियावर मोठ्या प्रमाणात चर्चेत आहेत. तर विकीच्या आईने राग व्यक्त करताच कंगनाने अंकिताला पाठिंबा दिला आहे.

कंगना रणौतने तिच्या इन्स्टाग्राम अकाऊंटवर एक स्टोरी शेअर केली आहे. या स्टोरीवर तिने विकी जैनच्या आईच्या मुलाखतीची क्लिप शेअर करत लिहिले आहे की, मीडिया अंकिता आणि विकीचे कुटुंब तोडण्याचा सर्वतोपरी प्रयत्न करत आहेत. कारण ते हे दाखवणार नाहीत की अंकिता लोखंडेची सासू तिची कशी साथ देतेय, हे ते तुम्हाला दाखवणार नाहीत. पण व्हिडीओच्या शेवटी ते हसणे खूप आवडले, हाहाहा…आंटी खूपच क्यूट आहेत. तसेच रिॲलिटी शो हे येतात आणि जातात पण कुटुंब हे नेहमी सोबत असते. त्यामुळे माझी अशी इच्छा आहे की माझी मैत्रीण अंकिताने हा शो जिंकावा, पण तिच्या लग्नाची किंमत मोजून नाही.

कंगनाने अंकिताला सपोर्ट केल्यामुळे ती चांगलीच चर्चेत आली आहे. नेटकऱ्यांनी तिच्या स्टोरीला मोठ्या प्रमाणात पसंती दर्शवली असून त्यावर अनेक प्रतिक्रियाही दिल्या आहेत. 

दरम्यान, विकी जैनची आई ही अंकिताला बिग बॉसच्या घरात आणि घराबाहेर अनेकदा वाईट पद्धतीने बोलताना दिसली आहे. त्याचे अनेक व्हिडीओही सोशल मीडियावर व्हायरल झाले होते. तसेच आताही विकीच्या आईने जेव्हा अंकिताची बिग बॉसच्या घरात भेट घेतली तेव्हाही त्या दोघींमध्ये खटके उडाल्याचे पाहायला मिळाले. यावरून कंगनाने अंकिताला सपोर्ट केला आहे.