सध्या अभिनेता पुलकित सम्राट आणि अभिनेत्री क्रिती खरबंदा सोशल मीडियावर चांगलेच चर्चेत आले आहेत. पुलकित आणि क्रितीने गुपचूप साखरपुडा केल्याचे म्हटले जात आहे. त्या दोघांच्या साखरपुड्याचे काही फोटो सोशल मीडियावर मोठ्या प्रमाणात व्हायरल होत आहेत.
व्हायरल होत असलेल्या फोटोंमध्ये पुलकीत आणि क्रितीचा साखरपुडा झाल्याचे दिसत आहे. या फोटोंमधील एका फोटोत क्रिती आणि पुलकित त्यांची एंगजेमेंट रिंग फ्लाँट करताना दिसत आहे. तसेच दोघेही रोमँटिक स्टाईलमध्ये उभे आहेत.
दुसऱ्या फोटोमध्ये पुलकित आणि क्रिती त्यांचे कुटुंब आणि जवळच्या मित्रांसोबत उभे आहेत. तर साखरपुड्याच्या या खास सोहळ्यात पुलकीत आणि क्रितीने हटके लूक केला आहे. क्रितीने गोल्डन बॉर्डर असलेला रॉयल ब्लू कलरचा अनारकली ड्रेस परिधान केला असून त्यामध्ये ती खूपच सुंदर दिसत आहे. तसेच पुलकितने फ्लोरल प्रिंट असलेला पांढऱ्या रंगाचा कुर्ता परिधान केला आहे. ज्यात तो खूपच डॅशिंग आणि हँडसम दिसत आहे.
https://www.instagram.com/p/C2t8BS8PqUq/?utm_source=ig_web_copy_link
दरम्यान, पुलकित आणि क्रितीने त्यांच्या साखरपुड्याबाबत अद्याप कोणताही अधिकृत खुलासा केलाला नाहीये. पण त्यांचे काही फोटो एका यूजरने सोशल मीडियावर शेअर केले आहेत. ज्यामध्ये त्या दोघांनी साखरपुडा केल्याचे दिसत आहे. हे फोटो सोशल मीडियावर व्हायरल झाल्यानंतर चाहत्यांनी क्रिती-पुलकितवर शुभेच्छांचा वर्षाव केला आहे.
