देशामध्ये केंद्रीय निवडणूक आयोगाने लोकसभा निवडणुकीची घोषणा केली आहे. दरम्यान ७ टप्प्यांमध्ये मतदान होणार असून, ४ जून रोजी मतमोजणी म्हणजेच निकाल जाहीर होणार आहे. दरम्यान एनडीए आणि इंडी आघाडीने प्रचाराची जोरदार तयारी सुरु केली आहे. तसेच भाजपा आणि अनेक इतर पक्षांनी आपल्या उमेदवारांची यादी जाहीर केली आहे. मात्र महाराष्ट्रामध्ये अजूनही महायुतीमधील जागावाटपाचा तिढा सुटताना दिसत नाहीये. महाराष्ट्रात भाजपाने २५ जागांवर आपले उमेदवार जाहीर केले आहेत. मात्र इतर जागांचे उमेदवार तिढा कायम असल्याने जाहीर करण्यात आलेले नाहीत. दरम्यान भाजपा नटे आणि राज्याचे उपमुख्यमंत्री देवेंद्र फडणवीस यांनी महायतुतीतील नेत्यांना स्पष्ट आदेश दिले आहेत. महायतिचा उमेदवार किंकेल यासाठी काम करण्याचे आदेश देण्यात आले आहेत.
काल बारामती आणि नगर दक्षिणमधील वाद संपवण्यासाठी फडणवीसांचा दोन अत्यंत महत्वाच्या बैठक पार पडल्या. हर्षवर्धन पाटील, अजित पवार, सुजय विखे, राम शिंदे, राधाकृष्ण विखे पाटील यांच्यामध्ये बैठक पार पडली. दरम्यान फडणवीसांनी घेतलेल्या बैठकीनंतर वाद मिटल्याची बातमी समोर येत आहे. अंतर्गत वाद बाजूला ठेवून महायुतीचे काम करावे असे आदेश फडणवीसांनी महायुतीमधील नेत्यांना दिले आहेत. महायतिचा उमेदवार विजयी होईल एवढेच बघा आणि त्यासाठी बाकी सगळे बाजूला ठेवा असे स्पष्ट आदेश फडणवीसांनी बैठकीत दिल्याचे समजते. मिशन ४५ प्लस यावरच पूर्ण लक्ष केंदीर्त करावे असे फडणवीसांनी म्हटले आहे.
राज्यातील काही जागांवरून महायुतीमध्ये तिढा कायम आहे. शिवसेना नेते विजय शिवतारे बारामतीमधून अपक्ष निवडणूक लढविण्यावर ठाम आहेत. त्यामुळे शिवसेनेकडून शिवतारेंवर शिस्तभंगाची कारवाई होण्याची शक्यता आहे. रत्नागिरी सिंधुदुर्ग, रायगड आणि अशा अनेक जागांवरून महायुतीमध्ये तिढा कायम आहे. मनसे देखील महायुतीमध्ये सामील झाल्यास त्यांना किती व कोणत्या जागा मिळणार हे देखील पाहणे महत्वाचे ठरणार आहे.
