देशभरात लोकसभा निवडणुकीच्या रणसंग्रामाला सुरुवात झाली आहे. दरम्यान महायुतीने बारामती लोकसभा मतदार संघात मोठ्या प्रमाणात लक्ष घालत आहे. बारामतीत मविआने खासदार सुप्रिया सुळे यांना तर महायुतीने अजित पवारांच्या पत्नी सुनेत्रा पवार यांना लोकसभेचे तिकीट दिले आहे. दरम्यान आज उपमुख्यमंत्री देवेंद्र फडणवीसांनी राष्ट्रवादी काँग्रेस शसर पवार गटाच्या जिल्हा परिषद सदस्य प्रवीण माने यांची भेट घेतली आहे. प्रवीण माने हे खासदार सुप्रिया सुळे यांचे इंदापूर प्रचार समितीचे प्रमुख आहेत. फडणवीसांनी मानेंची भेट घेतल्याने राजकीय वर्तुळात चर्चा रंगली आहे.
देवेंद्र फडणवीस हे आज इंदापूरच्या दौऱ्यावर आहेत. बारामती लोकसभा मतदारसंघात महायुतीने सुनेत्रा पवारांना उमेदवारी दिली आहे. यामुळे हर्षवर्धन पातळणाच्या समर्थकांमध्ये नाराजी आहे. देवेंद्र फडणवीसांनी आज इंदापूरमध्ये मेळाव्यात कार्यकर्त्यांना संबोधन केले. या इंदापूर दौऱ्यात फडणवीसांनी तातडीने प्रवीण मानेयांची भेट घेतली आहे. यामुळे चर्चांना उधाण आले आहे. माने हे सुप्रिया सुळे यांच्या प्रचाराचे काम करत आहेत.
