भाजपाने हिमाचल प्रदेशच्या मंडी या लोकसभा मतदारसंघातून अभिनेत्री कंगना रानौतला उमेदवारी दिली आहे. कंगनाच्या विरोधात काँग्रेसने विक्रमादित्य सिंह यांना लोकसभेच्या रिंगणात उतरवले आहे. कंगना रानौत कायमच चर्चेत राहणारी अभिनेत्री आहे. यंदा निवडणुकीत विजय मिळवल्यावर काय करणार या प्रशांवर कंगना रानौतने आपली प्रतिक्रिया दिली आहे. १ जून रोजी हिमाचलमधील ४ जागांवर मतदान होणार आहे.
अभिनय क्षेत्रात काम करत असताना अभिनेत्री म्हणून मला अनेक पुरस्कार मिळाले आहेत. पदमश्री पुरस्कार देऊन मला गौरविण्यात आले होते. आता निवडणूक जिंकल्यावर मला ‘एमपी ऑफ द इयर’ हा पुरस्कार मिळवायचा आहे. त्यानंतर मंत्री म्हणून किंवा एखादी मोठी जबाबदारी मिळाल्यास पार पाडणार आहे. मात्र सध्या मंडीच्या विकासावर लक्ष केंद्रित केले आहे. मी मोदी गॅरंटी आहे. निवडणूक जिंकण्यासाठी कोणतीही आश्वासने देणार नाही. ज्या गोष्टी आम्ही पूर्ण करणार आहोत, त्याबद्दलच आम्ही बोलणार आहोत.
