भाजप नेते वरुण गांधी यांनी सुलतानपूर मतदारसंघात त्यांची आई आणि पक्षाच्या उमेदवार मनेका गांधी यांना पाठिंबा दिला आणि प्रतिनिधी आणि मतदार यांच्यातील अनोख्या बंधाबद्दल ते यावेळी बोलले.सुलतानपूरच्या लोकांना एकच माणूस हवा आहे जो त्यांना आपले कुटुंब मानेल.असे ते यावेळी म्हणाले आहेत.
“आपल्या देशात 543 मतदारसंघात निवडणुका होत आहेत. अनेक ठिकाणी अनुभवी आणि प्रभावशाली लोक निवडणूक लढवत आहेत, पण आपल्या देशात एक सुलतानपूर क्षेत्र असे आहे की जिथे कोणीही खासदार यांना त्यांच्या अधिकृत पदवीने जनता संबोधत नाही. तर खासदारांना माताजी असे संबोधले जाते. ” असे वरूण गांधी यांनी सांगितले आहे.
गांधींनी आईच्या भूमिकेबद्दल यावेळी आदर व्यक्त केला, “आई ही एक दैवी शक्ती मानली जाते, जी देवाच्या बरोबरीची असते. कारण जेव्हा संपूर्ण जग तुमच्या पाठीशी उभे असेल किंवा नसेल, तेव्हा आई तुमची साथ कधीच सोडत नाही. आज मी फक्त माझ्या आईला पाठिंबा देण्यासाठी नाही, तर अक्ख्या सुलतानपूरच्या आईला पाठिंबा दर्शवण्यासाठी मी इथे आलो आहे ती म्हणजे प्रत्येकाचे रक्षण करणारी, भेदभाव न करणारी, संकटसमयी मदत करणारी आणि प्रत्येकासाठी आईचे प्रेम कायम ठेवणारी एक आशीर्वाद आहे,” असे गांधी म्हणाले आहेत.
“जेव्हा आम्ही 10 वर्षांपूर्वी निवडणूक लढवण्यासाठी पहिल्यांदा सुलतानपूरला आलो होतो, तेव्हा लोक म्हणाले, ‘सर, अमेठीमध्ये जे चैतन्य आहे, रायबरेलीमध्ये आहे, टेक चैतन्य आम्हाला सुलतानपूरमध्येही हवी आहे.’ आज मला हे सांगताना खूप आनंद होत आहे की, जेव्हा देशात सुलतानपूरचे नाव घेतले जाते तेव्हा मुख्य प्रवाहाच्या पहिल्या ओळीत त्याचे नाव येते .” असे वरूण गांधी म्हणाले आहेत.
भाजप नेते वरुण गांधी यांनी आज सुलतानपूर मतदारसंघातून आपल्या आईचा प्रचार केला.. जाहीर सभेत ते म्हणाले आहेत की – आमचे कोणाशीही वैर नाही. राग नाही.
वरुण गांधींच्या यांना त्यांचा बालेकिल्ला समजला जाणाऱ्या पिलीभीत मतदारसंघातील निवडणुकीसाठी यावेळी डावलण्यात आहे . जिथे त्यांनी तीन वेळा खासदार म्हणून काम केले, यामुळे ते नाराज आहेत का असा प्रश्न सर्वाना पडला होता.
मात्र आज मनेका गांधी यांच्या सुलतानपूरमधील प्रचारामध्ये ते सहभागी झालेले दिसून आले. “जेव्हा मी वरुणला माझ्यासाठी प्रचार करण्यास सांगितले तेव्हा त्याने माझ्यासाठी प्रचार करण्यास होकार दिला. त्यासाठी तो सुलतानपूरला आला आहे.असे मनेका गांधी म्हणाल्या आहेत.
वरुण गांधी यांना 24 मार्च रोजी 2024 च्या लोकसभा निवडणुकीसाठी भाजपचे तिकीट नाकारण्यात आले होते, त्याऐवजी भाजपने पीलीभीत जागेसाठी यूपीचे सार्वजनिक बांधकाम मंत्री जितिन प्रसाद यांची निवड केली होत
राहुल गांधी आणि वरुण गांधींबद्दल विचारले असता मेनका गांधी म्हणाल्या, “प्रत्येकाचा मार्ग आणि नशीब असते. मी कधीही कोणाच्या क्षमतेबद्दल बोलत नाही. प्रत्येकाचे नशीब असते.”
मेनका गांधी यांनी सुलतानपूरमध्ये 25 मे रोजी होणाऱ्या आगामी मतदानाचा उल्लेख करत भाजपच्या विजयाचा विश्वास व्यक्त केला.
“विरोधक किमान सुलतानपूरची जागा जिंकत नाहीत. माझे संपूर्ण लक्ष फक्त सुलतानपूरच्या जागेवर आहे आणि मी इतर कोणत्याही जागेवर लक्ष देत नाही,” असे त्या म्हणाल्या आहेत. भारत आघाडी आणि समाजवादी पक्षाचे नेते अखिलेश यादव यांनी उत्तर प्रदेशातील 80 पैकी 79 जागांवर विजयाचा दावा केला आहे, परंतु मेनका गांधी यांनी हे दावे फेटाळून लावले आणि भाजपसाठी सुलतानपूर जागा मिळवण्याच्या त्यांच्या वचनबद्धतेची पुष्टी केली.
सुलतानपूर लोकसभा मतदारसंघात भारतीय जनता पक्ष (भाजप), समाजवादी पार्टी (एसपी) आणि बहुजन समाज पक्ष (बसपा) यांच्यात तिरंगी लढत होणार आहे.सुलतानपूर मतदारसंघात इसौली, सुलतानपूर, सदर, लंबुआ आणि कादीपूर या पाच विधानसभा क्षेत्रांचा समावेश आहे.
विद्यमान भाजप उमेदवार मनेका गांधी आहेत, सपा ने भीम निषाद यांच्या जागी रामभुआल निषाद यांना तिकीट दिले आहे आणि बसपने उदराज वर्मा यांना उमेदवारी दिली आहे.
स्वातंत्र्यानंतर, सुलतानपूरने अनेक पक्षांचे खासदार पाहिले आहेत आणि कोणत्याही एका पक्षाचे या जागेवर पूर्ण वर्चस्व राहिलेले नाही. सुलतानपूरमध्ये काँग्रेसने आठ वेळा विजय मिळवला आहे, तर बसपने दोन वेळा विजय मिळवला असून भाजपने चौथ्यांदा विजय मिळवला आहे
