पुण्यातील पोर्शे कार अपघात प्रकरण चांगलेच गाजत आहे. दरम्यान
अल्पवयीन मुलाला बालसुधारगृहात पाठविण्यात आले आहे. तसेच विशाल आगारला आणि त्याचे
वडील सुरेंद्र अगरवाल यांना देखील पोलिसांनी अटक केली होती. मात्र आज त्यांची
कोठडी संपत असल्याने त्यांना कोर्टात हजर करण्यात आले होते. दरम्यान यावेळेस
सुनावणीनंतर कोर्टाने त्यांना १४ दिवसांची न्यायालयीन कोठडी सुनावली आहे.
न्यायालयीन कोठडीमुळे अगरवाल बाप-लेकाचा जामिनाचा मार्ग मोकळा झाला आहे. मात्र
ससूनच्या प्रकरणात पुन्हा एकदा पोलीस त्यांना ताब्यात घेऊ शकतात.
पुणे पोर्श कार अपघात प्रकरणात रोज नवनवीन माहिती समोर येत आहेत. या
प्रकरणात अल्पवयीन आरोपी, त्याचे वडील आणि आजोबा सध्या अटकेत
आहेत. पण आता या प्रकरणात आरोपीच्या आईचाही समावेश असल्याची बाब समोर आली आहे. १७
वर्षीय आरोपीच्या आईने मुलाचे रक्त नमुने बदलण्यासाठी स्वतःचे रक्त ससून
रुग्णालयाला दिले असल्याचे पोलिसांमधील सूत्रांनी सांगितले आहे.
