बिहारमध्ये सकाळी 10 वाजेपर्यंत 40 पैकी 27 जागांचे कल आले आहेत. यामध्ये एनडीए आघाडी 24 जागांवर तर इंडिया आघाडी 3 जागांवर पुढे आहे. निवडणूक आयोगाच्या म्हणण्यानुसार, भाजप 10 जागांवर, जेडीयू 9, एलजेपी (आर) 4 आणि हिंदुस्थानी अवाम मोर्चा एका जागेवर आघाडीवर आहे. दुसरीकडे, इंडिया आघाडीत आरजेडी 2 जागांवर तर काँग्रेस 1 जागांवर आघाडीवर आहे.

बिहारमध्ये 6 जागांवर इंडिया आघाडी पुढे आहे. बेगुसराय येथील स्पर्धा रंजक असून गिरीराज सिंह आणि अवधेश राय यांच्यात चुरशीची लढत आहे. करकटमध्ये उपेंद्र कुशवाह आघाडीवर आहेत. पवन सिंग मागे आहे. गयामध्ये जीतन राम मांझी यांना 46028 मते मिळाली आहेत तर त्यांचे जवळचे प्रतिस्पर्धी आरजेडीचे कुमार सरबजीत यांना 34480 मते मिळाली आहेत. अशा प्रकारे जीतनराम मांझी 11548 मतांनी पुढे आहेत. जेडीयूचे उमेदवार चंदेश्वर प्रसाद चंद्रवंशी जेहानाबादमध्ये सुरुवातीच्या ट्रेंडमध्ये आघाडीवर आहेत. दरभंगा लोकसभेच्या बहादूरपूर आणि बेनीपूरच्या मतमोजणीत गोपाल ठाकूर पुढे आहेत. मधुबनी लोकसभा मतदारसंघातून पहिल्या फेरीत भाजप बेनिपट्टी विधानसभेत 5600 मतांनी आणि हरलाखी विधानसभेत 2600 मतांनी पुढे आहे.

वैशालीमधून एलजेपी-रामविलासच्या वीणा देवी 1700 मतांनी आघाडीवर आहेत. दुसऱ्या फेरीत पटना साहिबमधील बख्तियारपूर येथून रविशंकर प्रसाद 515 मतांनी आघाडीवर आहेत. सारणच्या महाराजगंजमधील पहिल्या ट्रेंडमध्ये जनार्दन सिंग सिग्रीवाल 1100 ने आघाडीवर आहेत. याशिवाय बांका येथे जेडीयूचे गिरीधारी यादव 1195 ने आघाडीवर आहेत. गयामध्ये जीतन राम मांझी आणि हाजीपूरमध्ये चिराग पासवान आघाडीवर आहेत. पाटलीपुत्र मतदारसंघात आरजेडीच्या मीसा भारती आघाडीवर आहेत. सिवानमध्ये अपक्ष हिना शहाब आघाडीवर आहेत.