सध्या राजकीय वातावरण तापण्याची शक्यता आहे. कारण राष्ट्रवादी काँग्रेस शरदचंद्र पवार गटाचे खासदार निलेश लंके यांचा गुंड गजा मारणेकडून सत्कार करण्यात आला आहे. निलेश लंकेंनीही गजा मारणेचा सत्कार स्वीकारला आहे. त्यामुळे यावरून आता नवीन वाद निर्माण होण्याची शक्यता आहे.
गजा मारणेने सोशल मीडियावर एक पोस्ट शेअर केली आहे. यामध्ये निलेश लंकेंचा गजा मारणे सत्कार करताना दिसत आहे. सध्या गजा मारणे आणि निलेश लंकेंचा हा व्हिडीओ सोशल मीडियावर मोठ्या प्रमाणात व्हायरल होत आहे.
https://www.instagram.com/reel/C8KuNnWybR8/?utm_source=ig_web_copy_link
कुख्यात गुंड गजा मारणेची निलेश लंकेंनी भेट घेतल्यामुळे राजकीय वर्तुळात खळबळ उडाली आहे. गुजा मारणेविरोधात अनेक गुन्ह्यांची नोंद आहे. तसेच त्याच्याविरोधात अनेक खटलेही सुरू आहेत. तर काही दिवसांपूर्वी अजित पवार गटाचे पार्थ पवार यांची गजा मारणेनं भेट घेतली होती. त्यावरून मोठा वाद निर्माण झाला होता. तर आता निलेश लंकेंनी त्यांची भेट घेतल्याने पुन्हा नवीन वाद निर्माण होण्याची शक्यता वर्तवली जात आहे.
