आयपीएलच्या १७ व्य हंगामात आज मुंबई इंडियन्स विरुद्ध राजस्थान रॉयल्स या दोन संघात सामना होणार आहे. दरम्यान आजचा सामना हा वानखेडे स्टेडियमवर होणार आहे. मुंबई इंडियन्स आपले पहिले दोन्ही सामने हरून आजचा तिसरा सामना खेळणार आहे. तर राजस्थान रॉयल्स दोन्ही सामने जिंकून आजचा सामना खेळणार आहे. आजचा सामना अनेक कारणांमुळे रंगतदार होणार आहे. मुंबईला स्वीकारावे लागलेले दोन पराभव आणि ट्रोल होत असलेला हार्दिक पंड्या यामुळे आजचा सामना रंगतदार होण्याची शक्यता आहे.
मुंबईत हार्दिक मोठ्या प्रमाणात ट्रोल होण्याची शक्यता आहे. कारण रोहित शर्मा याला कर्णधारपदावरून काढून मुंबईच्या व्यवस्थापनाने हार्दिक पंड्या ला कर्णधार केले आहे. त्यामुळे मुंबईचे आणि रोहितचे चाहते प्रचंड नाखूष आहेत. त्याचा रोष मागच्या दोन सामन्यांत पाहायला मिळाला आहे. आजच्या सामन्यात हार्दिक विरुद्ध प्रेक्षक असा एक वेगळा सामना रंगणार आहे.
यंदाच्या आयपीएल स्पर्धेत मुंबईचा संघ उद्या वानखेडेवर म्हणजेच आपल्या घरच्या मैदानावर पहिला सामना राजस्थान रॉयल्सविरुद्ध खेळणार आहे. स्पर्धेत नवी उभारी घेण्यासाठी मुंबईला विजय आवश्यकच आहे. सर्व खेळाडूंचा कस पणास लागेलच, पण कर्णधार हार्दिक पंड्यासाठी अस्तित्व पणास लागणार सामना आहे. अहमदाबाद आणि हैदराबाद यानंतर वानखेडेवर हार्दिक पंड्या विरुद्ध प्रेक्षक हा सामना कसा होतो हे पाहणे महत्वाचे असणार आहे. मुंबई या स्पर्धेत विजयाचे खाते उघडण्याचा प्रयत्न करेल तर राजस्थान आपला तिसरा विजय प्राप्त करण्यासाठी मैदानात उतरेल यात काहीच शंका नाही.
