आयपीएलच्या १७ व्य हंगामाची दणक्यात सुरुवात झाली आहे. आतापर्यंत १४ ते १५ सामने खेळून झाले आहेत. पहिल्या टप्प्यातील वेळापत्रक जाहीर करण्यात आले आहे. नंतरचे वेळापत्रक लोकसभा निवडणुकीच्या दृष्टीने तयार करण्यात येणार आहे. आताचे सर्वच सामने अत्यंत रोमांचक आणि रोमहर्षक होताना दिसून येत आहेत. सर्व संघ जिंकण्यासाठी पूर्ण मेहनत करताना दिसत आहेत. आता उर्वरित सामन्यांबाबद्दल एक महत्वाची बातमी समोर आलाय आहे. आयपीएलमधील दोन सामन्यांच्या तारखा बदलण्यात आल्या आहेत.
राजस्थान आणि कोलकाता, गुजरात आणि दिल्ली यांच्यातील सामन्याची तारीख बदलण्यात आली आहे. आयपीएलने ट्वीट करत याबाबतची माहिती दिली आहे. ट्विटनुसार कोलकत्ता नाईट रायडर्स आणि राजस्थान रॉयल्स यांच्यातील १७ तारखेचा सामना आता १६ तारखेला ईडन गार्डनवर होणार आहे.तर १६ एप्रिल रोजी होणारा गुजरात आणि दिल्ली यांच्यातील सामना १७ एप्रिल रोजी होणार आहे. गुजरात आणि दिल्ली यांच्यातील सामना नरेंद्र मोदी स्टेडियमवर होणार आहे.
https://twitter.com/IPL?ref_src=twsrc%5Egoogle%7Ctwcamp%5Eserp%7Ctwgr%5Eauthor
१७ एप्रिल रोजी देशभरात रामनवमी मोठ्या उत्साहात साजरी केली जाणार आहे. अशा स्थितीमध्ये सामन्याला सुरक्षा पुरविणे शक्य होणार नाही. सुरक्षेच्या कारणावरून सामन्यांचा तारखा बदलण्यात आल्या आहेत. तसेच दुसऱ्या टप्प्यातील आयपीएल सामन्यांचे वेळापत्रक लवकरच जाहीर केले जाणार आहे. कालच्या मुंबई इंडियन्स विरुद्ध राजस्थान रॉयल्सच्या सामन्यात मुंबईला पराभवाचा सामना करावा लागला आहे. हा मुंबई इंडियन्सचा सलग तिसरा पराभव आहे.
