आयपीएलच्या यंदाच्या हंगामातील १७ वा सामना खेळवला जाणार आहे. आजचा सामना हा गुजरात टायटन्स आणि पंजाब किंग्ज यांच्यात होणार आहे. शुभमन गिल हा गुजरात टायटन्सचा तर शिखर धवन पंजाब किंग्ज संघाचा कर्णधार आहे. आजचा सामना जगातील सर्वात मोठ्या स्टेडियमवर म्हणजेच अहमदाबाद येथील नरेंद्र मोदी स्टेडियमवर होणार आहे. गुजरातचा संघ आपल्या तिसऱ्या विजयासाठी तर पंजाब आपल्या दुसऱ्या विजयासाठी मैदानात उतरणार आहे. एकेकाळी पंजाबकडूनच खेळलेले खेळाडू गुजरातकडून खेळणार आहे. त्यामुळे शिखर धवनचे टेन्शन वाढण्याची शक्यता आहे.
मोहित शर्मा, डेव्हिड मिलर,रिद्धिमान सहा असे अनेक खेळाडू पूर्वी पंजाब किंग्ज संघाकडून खेळत होते. आता ते गुजरात संघाकडून खेळणार आहेत. यंदाच्या स्पर्धेत पंजाबने विजयाने सुरुवात केली. मात्र त्यानंतर त्यांना पराभव स्वीकारावा लागला. त्यामुळे आज शिखर धवन आणि त्याचा संघ जिंकण्याच्या इराद्याने मैदानात उतरेल. तर गुजरात टायटन्स देखील होमग्राउंडवर विजयासाठी प्रयत्न करेल.
