आयपीएलच्या १७ व्या हंगामात आज कोलकता नाईट रायडर्स आणि दिल्ली कॅपिटल्स यांच्यात सामना होणार आहे. दिल्ली कॅपिटल्स मागील पाच सामन्यातील ४ सामन्यात विजय मिळविला आहे. तर कोलकता नाईट रायडर्सला मागील पाचपैकी तीन सामन्यात पराभवाचा सामना करावा लागला आहे. आजचा सामना दोन्ही संघासाठी महत्वाचा असणार आहे. आयपीएलचा प्लेबॅक सिझन सुरु झाला आहे. त्यामुळे प्लेऑफमध्ये स्थान मिळविण्यासाठी प्रत्येक संघाला विजय मिळविणे आवश्यक असणार आहे.
दिल्ली कॅपिटल्सची फलंदाजी, गोलंदाजी आणि कर्णधार रिषभ पंतला गवसलेला सूर ही त्यांची जमेची बाजू असेल. तर कोलकता नाईट रायडर्सकडून सुनील नारायण आणि इतर फलंदाज देखील चांगली कामगिरी करताना दिसून येत आहेत. त्यामुळे आजचा सामना चुरशीचा होणार आहे. तसेच आजच्या सामन्यात कोण जिंकते त्यावर त्या संघाच्या प्लेऑफचे गणित अबलंबून असणार आहे.
