आयपीएलच्या १७ व्या हंगामामध्ये आज पाच वेळा स्पर्धा जिंकणारी मुंबई इंडियन्स विरुद्ध कोलकाता नाईट रायडर्स यांच्यात सामना होणार आहे. मुंबईच्या वानखेडे स्टेडियमवर आजचा सामना होणार आहे. आयपीएलच्या स्पर्धेतील हा ५१ वा सामना असणार आहे. या दोन्ही संघांसाठी यंदाची स्पर्धा फारशी चांगली गेलेली नाहीये. आजच्या सामान्य बद्दल जाणून घेऊयात.
यंदाची आयपीएलची स्पर्धा मुंबई संघासाठी फारशी चांगली गेलेली नाहीये. गुणतालिकेत मुंबईचा संघ हा शेवटच्या स्थानावर आहे. कोलकाता नाईट रायडर्स हा संघ अव्वल स्थानावर आहे. वानखेडे स्टेडियमवर मुंबई कोलकताविरुद्ध चांगली कामगिरी केली आहे. त्यामुळे आजचा सामना रंगतदार होण्याची शक्यता आहे. मुंबईने १० पैकी केवळ ३ च सामने जिंकले आहेत. ७ सामन्यात त्यांना हार्दिक पंड्याच्या नेतृत्वाखाली पराभव स्वीकारावा लागला आहे. त्यामुळे मुंबईला प्लेऑफच्या आशा जिवंत ठेवायच्या असतील तर पुढील प्रत्येक सामना चांगल्या फरकाने जिंकावेच लागणार आहेत.
