आयपीएलच्या १७ व्या हंगामात गुजरात टायटन्स विरुद्ध कोळकतं नाईट रायडर्स यांच्यात सामना होणार आहे. गेल्या सामन्यात कोलकाता नाईट रायडर्सने ईडन गार्डन्सवर मुंबई इंडियन्सला पराभूत केले होते. या विजयामुळे कोलकाता नाईट रायडर्स यंदाच्या आयपीएलमध्ये प्लेऑफ मध्ये पोहोचणारी पहिली टीम ठरली आहे. आजचा सामना जिंकून पहिल्या दोन नंबरवरच राहण्यासाठी केकेआर प्रयत्नशील असणार आहे. तर गुजरात टायटन्सला देखील आजचा सामना जिंकणे अत्यंत महत्वाचा असणार आहे. नाहीतर त्यांच्या प्लेऑफमध्ये पोहोचण्याचा मार्ग खडतर होणार आहे.
गुजरात टायटन्सने मागील सामन्यात चेन्नई सुपर किंग्जवर विजय मिळविला आहे. त्या विजयामुळे त्यांचे आव्हान अजूनही टिकून आहे. मात्र गुजरातला त्यांच्या विजयासह इतर संघांच्या कामगिरीवर प्लेऑफ मध्ये जाण्यासाठी प्रयत्न करावे लागणार आहे. आजचा सामना अत्यन्त रंगतदार होणार आहे. कोलकाताना जिंकून प्लेऑफमधील आपले स्थान अधिक मजबूत करण्याचा प्रयत्न करताना दिसेल. तर गुजरात विजयासाठी मैदानात उतरलेली दिसेल.
