मुंबई इंडियन्सचा कर्णधार हार्दिक पांड्यावर सध्या क्रिकेटप्रेमी नाराज आहेत. आयपीएल 2024 मध्ये मुंबई इंडियन्सची कामगिरी सुमार झाल्यामुळे हा संघ आयपीएलमधून बाहेर पडला. त्यानंतर आता हार्दिक टी-20 ची विश्वचषकाच्या तयारीला लागला आहे. मात्र या दरम्यान हार्दिक पांड्या आणि त्याची पत्नी नताशा स्टेनकोविक यांच्या घटस्फोटाची चर्चा सुरु झाली आहे. .
यासंदर्भात अधिकृत भूमिका दोघांकडून जाहीर झालेली नसली. तरी गेल्या काही दिवसांपासून हार्दिक याच्या वैवाहिक आयुष्यात अडचणी आल्याच्या चर्चांनी जोर धरला आहे. हार्दिक याची पत्नी आणि नाताना स्टेनकोविक हिने सोशल मीडियावरून आपल्या नावापुढे असणारे पांड्या आडनावही काढले आहे. त्यामुळे हार्दिक आणि नताशा यांच्यामध्ये काहीतरी बिनसले असल्याच्या अंदाज चाहते व्यक्त करत आहेत.
हार्दिक याच्यासोबत घटस्फोटाच्या चर्चा रंगत असताना पहिल्यांदा नताशा हिने एक फोटो पोस्ट केला आहे. या फोटोमध्ये नताशा एकटी दिसत आहे. सध्या सर्वत्र नताशा हिच्या फोटोची चर्चा रंगलेली आहे.
आयपीएल सामन्यांदरम्यान कायम पतीला सपोर्ट करण्यासाठी स्टेडियमवर असणारी नताशा यंदा दिसली नाही. त्यामुळे चाहत्यांमध्ये देखील हार्दिक आणि नताशा यांच्या नात्याबद्दल शंका घेतली गेली.
नताशा आणि हार्दिक यांच्याबद्दल सांगायचे नताशा – हार्दिक यांचे लव्हमॅरेज असून त्यांच्या मुलाचे नाव अगस्त्य असं आहे. सोशल मीडियावर पांड्या कुटुंबाचे अनेक फोटो आणि व्हिडीओ बऱ्याचदा व्हायरल होत असतात.
आता दोघांचा घटस्फोट झाल्यावर हार्दिकच्या संपत्तीचा 70 टक्के भाग नताशाकडे जाणार आहे असे सांगितले जात आहे. हार्दिक पांड्याकडे कोट्यवधींची संपत्ती आहे. आयपीएलमधून मिळणारे मानधन, बीसीसीआयकडून मिळणारी रक्कम आणि जाहिरातीमधून मिळणारे उत्पन्न यातून हार्दिक पांड्याने कोट्यवधींची संपत्ती जमवली आहे.
