Pune Porsche Accident : पुण्यातील कल्याणीनगर परिसरात झालेल्या अपघात प्रकरणी पुणे पोलिसांनी मोठी कारवाई केली आहे. पोलिसांनी अल्पवयीन मुलाच्या आईला अटक केली आहे. याबाबतची माहिती पुणे पोलीस आयुक्त अमितेश कुमार यांनी दिली आहे. मुलाला वाचवण्यासाठी रक्ताच्या नमुन्यात अदलाबदल करण्यासंबंधात ही अटक करण्यात आल्याची माहिती समोर आली आहे.
मिळालेल्या माहितीनुसार, अल्पवयीन आरोपीच्या रक्ताचा नमुना ससून रूग्णालयात महिलेच्या रक्तासोबत बदलण्यात आला होता. रक्ताचा नमुना बदलण्यासाठी आरोपीच्या कुटुंबीयांनी डॉक्टरांना 3 लाखांची लाच दिली होती. तर अल्पवयीन मुलाची आई शिवानी अग्रवाल यांच्या रक्ताच्या नमुन्यासोबत अल्पवयीन मुलाचे रक्ताचे नमुने बदलण्यात आल्याचा संशय क्राइम ब्रँचकडून व्यक्त केला जात आहे.
या प्रकरणी पोलिसांनी अल्पवयीन मुलाच्या आईला शिवानी अग्रवालला अटक केली आहे. तसेत पोलीस आता शिवानी अग्रवालची कसून चौकशी करत आहेत.
